|
|
|
【蘋果日報訊】 當人人呻樓價貴，好難上車，現實又真喺咁？綜觀近期多個新盤推出，成群成群買家就湧入市掃貨；二手方面，就算業主離晒譜加價，買家照樣入市，搞到區區創新高，令到個樓市長期處於渴市，當發展商睇到香港人對「磚頭」需求咁大的時候，比着你係發展商，又會點唔加價賺更多錢？ 睇番最新數據，中原地產指出，截止至5月16日，今年5月份二手私人住宅買賣合約登記暫時錄得2,344宗，總值187.7億元。預測整月登記約4,400宗及355.0億元，將較4月的4,202宗及341.5億元，分別上升4.7%及4.0%。估計二手金額將創2012年3月398.9億元後的逾六年按月新高，宗數將創2015年1月4,537宗後的逾三年按月新高。更不可思議的是，過千萬成交亦都越來越多！美聯物業指出，4月份逾千萬元二手住宅註冊量錄702宗，比起3月567宗按月升約23.8%，並創自07年11月後的逾十年新高。買家入市意欲如此強勁，提供高成數按揭的一手市場當然備受追捧，上周將軍澳、屯門等地的新盤開賣，均是即日沽清，又為樓市打入強心針！然後慢慢就形成一個惡性循環，即係二手日日都有破頂，發展商見市好，承接力又強，就趁勢加價加推，業主見到一手個價可以賣咁高起勢又反價，可能有人話靠政府遏市，但睇番過去幾次出手，結果有目共睹，樓價不跌反升！筆者愚見如果真喺想樓價唔好升咁快，每個人應該擺正心態，唔好驚遲買貴幾球，除非真喺有急切的置業需要，唔喺就等返幾年，等成個市場充斥一手貨尾、二手放盤單位時，喺一個供多過求的情況下，而此時亦不要一窩峰入市，理性地留意市場的動向，才下決定，樓價自然會慢慢下調。 |
|
|
